Thursday, July 8, 2010

Sagmoedig en geduldig

Ek moet hierdie met julle deel. Die groep waarmee ek by die Afrikaanse kerk werk het geleer van hulle nuwe identiteit in Christus en die belangrike vrugte van die Gees wat die bewys is van ons nuwe identiteit. Dit is verseker vir my elke dag 'n stryd om sagmoedig, geduldig, vriendelik en vol liefde en vrede te wees... Groot was die verassing toe die kinders elkeen 'n vrug van die Gees moes kies waarmee hulle sukkel en hulle kies amper deur die bank GEDULD..???

Jared het 'n kleinier sussie en voel hy moet sagmoediger wees... dierbare ding. :-)

Hubrie, Sybrandt, Jaco en Danielle se almal "meer geduld asseblief".

Ek was nuuskierig om te hoor wat presies die kinders se geduld beproef... luister hierna:

om te wag dat 'n website oopmaak wanneer die internet stadig is....
om te wag vir 'n fastfood bestelling as daar baie mense is....
om te wag vir 'n vertoning om te begin...
om groot te wees, hulle eie besluite te kan neem.
Dit het my aan klein Zibi ons asblik katjie laat dink. Toe sy 'n paar weke terug so bedees op Riza se knie gesit het, het sy gewens sy kan saam met die honde rondhardloop en self op die tafel kom en nou is sy daar...

Kyk hoe groot het sy geword en moenie vir een oomblik mislei word deur hierdie onskuldige ogies en rustige pose nie. Die klein kat is BESIG en die honde het dit hot agter en ons is vol krappies en niks is meer veilig nie. Sy speel met oorgawe met alles... nou kan ek nie wag dat sy nog groter word en meer slaap nie :-)))

Ek het vroeer die jaar in Dubai gewerk en by die akademie gebly toe ek en die duif saam aandete geeet het by een van die malls. Hy het ewe braaf reg langs my op die stoelleuning gesit en wag vir 'n krummel om van die tafel af te val... nie baie geduldig nie hoor.

Ek het nou geleer dat:

Die lewe al vinniger word en daarmee saam raak ons en die diere meer ongeduldig en minder sagmoedig en vriendelik. Nie te lank terug nie was internet spoed van 512 kbps VREESLIK vinnig.... nou voorsien ons internet in die land teen 30mbps.... in plaas van 14 uur te wag vir 'n fliek om op die rekenaar af te laai, kan mens nou 'n fliek kies en 4 minute later daarna kyk... 'n burger het vroeer 10 minute geneem om gemaak te word, nou kry ons dit binne 2 minute.. selfs noedels kook net 2 minute en rys is klaar half gaar. Sommige soorte is klaar gaar, dit moet net warm gemaak word en in die mikrogolf neem dit ook net sowat 3 minute.

Net een ding tickle my nog pink....as alles so vinnig gaaan, waarom het ons al minder tyd vir onsself en vir mekaar.. ??

En 'n ander ding wat my tickle maar ook my hart warm maak is dat ons kinders reeds vra: Vader leer ons geduld en gee ons 'n sagmoedige gees...

Lief julle almal