Tuesday, May 12, 2009

Alessia se kuier

Alessia se kuier op Vrydag was weer vol heerlikhede en ervarings vir die besige klein aspatat. Hannes en Angela kom betyds vir vroee middag koffie en ons maak kleifeetjies… en ek vang Angela met haar mond vol yogurt brood :-) Alessia maak haarself met die honde se kombersies in hulle bedjie toe en die twee manne verstom hulle aan haar. Ek is net betyds met die kamera toe sy besluit die bed kan op enige plek in die huis wees… en daar gaat sy
Sy gaan weer saam met ons omgeegroep toe. Ons kry 'n dooie gecco onder die tafel en sy gaan wys almal wat inkom.
Dan is dit tyd vir saamsing. Sy geniet dit vreeslik baie. Op die foto les sy haar dors maar hou nie op met die bewegings nie.
Buite ontdek hulle 'n tor. Nicolas wys vir haar (tipies seunskind ne) en daarna is sy heeltemal bereid om die tor saggies te streel. Ek weet nie of dit goed of sleg is dat sy nie bang is vir goggas nie, maar een ding is seker, sy dra nie vrese wat ons as grootmense so maklik aan ons kinders oordra nie. Julle is goeie ouers Hannes en Angela.
Na die les klaar is, is dit tyd vir buite speel en klein meis ontdek saam met die ander kinders, die poel water van die spreiers op die driving range en toe begin die groot pret van spat en speel. Toe sy terug is by my, moet die nat klere uit.

Ek dink nie ek was om die draai nie, toe raak sy aan die slaap. Dankie vir die kuier. Ek gaan julle mis die volgende maand... Lief julle

Saturday, May 9, 2009

Opera en Simfonie bederf

Wanneer die mense in die land 'n konsert aanbied, dan nooi hulle die bestes en betaal mens baie duur maar word bederf met die mooiste van musiek in die mooiste van plekke en vir 'n kort rukkie voel mens regtig skatryk. Corinne bel Maandag en vra of ek en Sandra nie lus het om saam met haar na die Italian Opera Gala te gaan waar die "Orchestra of the Teatre La Fenice di Venezia " arias uit operas soos Rigoletto, Tosca, Nabucco, Carmen, La Traviata en La Boheme, om net 8 van 14 te noem.... want dis die wat ek darem so bietjie ken sien... ;-) uitvoer nie. Ja natuurlik wil ons...graag. Dit word in die Emirates Palace se ouditorium aangebied waar mens R220 vir 'n glas wyn en R70 vir 'n glas vrugtesap betaal.
Wat trek mens aan... vra Corinne later die week vir my met sms. Sy se sy het net Sondag klere. Maar julle weet mos mense trek enige ding aan deesdae, van deftige swart tot jeans, so ons trek aan wat in ons kaste is en loop ook vir Amelia daar raak... Sandra neem fotos en dan deel sy dit so vrygewig met my, want my kamera le natuurlik by die huis.
Die orkes word gedirigeer deur 'n jongman van 33, Juraj Valcuha van Slovakia. En ek het gedink die dirigente is soos Presidente, ou manne... maar nou weet ek beter.
Opera sangers soos Marcelo Alvarez , 'n tenoor uit Italie, waar anders, Julia Gertseva uit Leningrad.... 'n pragtige dramatiese mezzo-sopraan stem, Inva Mula uit Tirana... eerste keer in my lewe dat ek van die plek hoor, maar met so 'n soepel sopraan dat mens hoendervleis kry, Franco Vassallo, 'n bariton uit Milan, Italie. En as ek slim klink, ek skryf die name uit die program neer. :-) Maar hoewel mens nie hulle name kan uitspreek nie, kan die mense sing!!!
Die konsert ouditorium is pragtig met die interessantste beligting. Die sommer net 'n fees van luukse aand.
Elkeen van die sangers het twee of meer arias alleen gesing, die twee manne het 'n duet uit Don Carlo gesing... Vir 'n grand finale het al vier die sangers saam met die orkes afgesluit met 'n aria uit La Traviate en 'n staande ovasie van die amper 1000 mense gekry. Hulle moes die stuk drie maal herhaal voor die aplous uitendelik bedaar het. Dit was so amazing en so af en toe is dit darem 'n heerlike spesiale, elke sent werd ervaring. Dankie vir die voorstel Corinne en vir die fotos maat. Ons maak verseker weer so.... net eers spaar

Monday, May 4, 2009

Die eienaardighede van Abu Dhabi

Die land fassineer my. Daar is regtig mense wat swaarkry, want baie mense kom in en bly dan net eenvoudig op 'n visa wat lankal verval het. So van tyd tot tyd gee die regering al die onwettige besoekers kans om sonder vervolging die land uit te gaan. Dan stroom mense in hulle duisende terug na hulle lande... Pakistan en Indie onder andere. En die rede hoekom ek nou op so manier die skrywe begin, is omdat ek my verstom aan die feit dat mense in die land nie ander mense se goed vat nie. Hierde foto het ek nou die oggend voor sewe geneem. Die rolle materiaal word afgelaai en le daar tot die einaars teen tienuur die winkels kom oopsluit


Maar die ander oulike ding van hierdie, meestal handelaars uit Indie en Iran en Pakistan, is die name van die winkels. Ek het baie pret soggens as ek deur die strate kantoor toe stap om te probeer uitmaak waarom 'n materiaal winkel "Honey", of "Gulf Tower", of "Blue Sky" of "Aroma Clothes" genoem word
Wat is a decent saloon....


en wat is "My Shop"?

Een van die klerewinkels is sommer net "Happy"...


Die duiwe is 'n ander storie. Daar was eers baie baie meer van hulle. Die rede hoekom hulle minder word mag wees dat dit nou te warm word hier, of dat die meeste liewer in die oggend vroeg eet... want die eintlike rede, en die een wat ek nie wil glo is waar nie, is dat daardie man wat hulle voer, soms 'n net oor hulle gooi en van hulle vang.... vir wat??? Die pot? En dis tog te aaklige gedagte.
Maar miskien as mens nie stuff vat nie, jag mens die stad se duiwe... iets?



Lief julle almal

Saturday, April 25, 2009

Hier neffens my is God

Ek het vroeer die gedagte in die kantlyn van die blog geskryf en dan gebeur iets en God laat ons weet Hy is naby. Dit het ek die week ervaar toe my ergste nagmerrie gestalte gekry het in 'n "aanval" of "inval" in die kinders se huis in Suid Afrika. Ek kry 5:00 (3:00 in Suid Afrika) die oggend 'n oproep en die bewe stemmetjie aan die ander kant se:" kan ma my asseblief terugbel. Ons is aangeval". My hart slaan oor en in my keel vas en ek bel terug met bewende vingers.. my kop se vir my dis ok want Riza praat met my. Die speurder vra:" Mevrou het jy dalk nog die serienommer van die laptop" My kop registreer dit amper nie, want ek wil net weet of almal ok is. Maar hy stel my gerus, se ook hulle , die polisie, is daar en werk aan die saak. Dan hoor ek die storie by Riza van hoe Tavid, wat nou regtig waghond status gekry het, haar wakker geblaf het tot sy regop in die bed sit. Toe skyn 'n flitslig in haar gesig en die volgende oomblik breek die kamer venster dat dit soos 'n geweerskoot klink. Ta klim by die venster in en Riza weet sy moet uit die kamer kom. Dankie Pappa dat sy het. Niel en Wiehann is toe ook wakker en almal storm kombuis toe om by die deur uit te kom.... en hulle kannie die sleutel kry nie. Intussen is die ou weer by die venster uit met net Elriza se laptop... met al haar assignments en preke op, ook die een wat Vrydag, (gister) van 4000 woorde moet in. Ook in die opsig was Pa daar vir haar, want net die vorige dag het DJ vir haar gevra om die assignment vir hom ook aan te stuur... en sy het. Buite het Rudie uit sy kamer gekom en toe skiet die man wat by die hek vir sy medepligtige wag op hom. En weer is Pa daar, want die koeel mis Rudie en slaan in die kar se sitplek vas. Wiehann vertel dat die polisie byna onmiddelik op die toneel was en begin het met forensies. Die speurder is verbaas dat hulle afdeling onmiddellik in kennis gestel is, want hy vertel dat hulle gewoonlik twee dae later eers van sulke inbrake in kennis gestel word. Hy se ook hoe gelukkig hulle is, want mense kry meeste van die tyd baie lelik seer of is dood met sulke inbrake. (Nie gelukkig nie speursersant, begenadig...)Ek weet net dat dit nie saak maak waardeur ons gaan in die wereld, wat nie ons huis is nie, want God is neffens ons. Dankie Pappa dat Elriza nie verkrag en vermoor is nie, dat my seuns ongedeerd is en dat die koeel wat afgevuur is om dood te maak, in die kar se sitplek vasgeslaan het. Dankie dat Tavid so wakker is, dat U ons hand hou wanneer ons deur doodskaduwees gaan. Dankie!!!

ns: Hier is 'n foto van Riza met Tavid by die venster waardeur die man in die kamer ingeklim het.

Monday, April 20, 2009

Die dierekinders se dinge

Terwyl ek wag om ouma te word, het ek hierdie instaan seuns wat altyd vol pret is as mens so half lam gewerk en effens geirriteerd by die huis kom. Die drie diereseuns het net die regte uitwerking op my gemoed. Sandra en Nelmari kuier en ons Wii... gelukkig skryf mens dit so bietjie anders as wat mens dit uitspreek, en Nelmari deel haar grondboontjie eiertjies met ons. Toe die eiertjies val, het dit vir groot sports gesorg. Ek en Nelmari skarrel om dit op te tel


Maar voor ons kon keer het elkeen van die seuns 'n eietjie gesteel. Dee speel kat-en-muis met syne Die ander twee dink die veiligste plek vir die eiertjies is op my skoot...


Taffee vind gou uit dis baie lekker en steel sommer Didi sin ook


Didi is glad nie seker of hy moet byt of uitspoeg nie

Hulle probeer die bal by Nelmari afneem

Maar hulle speel nie net nie, soms werk hulle ook fluks saam met ons...Didi scrap solank vir Vanessa en hou haar koffie vir haar onder oog

Taffee is meer geinteresseerd in mail lees

Hierdie diereseuns is dierbare besige goetertjies. As ek saans gaan bad gooi die twee honde die bal in die bad, en Dee probeer my drooglek. Daar is regtig nie 'n ledige oomblik nie. Ek geniet hulle so. Dankie maat dat jy altyd naby is met die kamera. Hoe anders sal ek die pret met almal kan deel.

Wednesday, April 15, 2009

'n Spierwit klippie en 'n kroon

Die naweek se Ester... Ken jou naam - konferensie was amazing. Ek het hoe verwagtinge gehad uit vorige ervaring, maar Pappa is so vol verassings en het ons uit ons nate kom seen met Ds Elza Meyer se wonderlike gemaklike manier van praat, en Wanda de Kock Bam, Louis Britz en Lize Leversage se lofprysing. Ons kon met mekaar die vreugdes deel van die werk wat Vader in elkeen van ons doen.

Ons leer God se name ken. Hy is Yahweh Nissi, die Naam bo elke Naam, Hy is Yahweh Rapha, Geneesheer en Hy is Jahweh El -Olam, Ewige God, Yahweh Shalom, God wat ons vrede gee.
Ons kan Hom volg en vertrou en volkome aan Hom oorgee.

Ons staan voor Jahweh Shalom en le alles af wat ons vrede steel. Al die bitterheid en sondes waarmee ons nie klaarmaak nie.
Ons staan voor Jahweh Rapha en ontvang genesing vir ons liggame.

Dan staan ons voor Jahweh Nissi om onder Sy banier te staan... Sy Naam oor ons almal. vir altyd.
Uit Openbaring 2:17 hoor ons dat Johannes vir die gemeente van Pergamum die woorde bring van die Een wat 'n tweesnydende swaard het vir die mense wat in Pergamum leef waar Satan sy troon het. (klink vir my baie soos die wereld waarin ons leef) God wys hulle sonde vir hulle uit en vir die wat die verkeerde dinge afle, gee Hy 'n spierwit klippie met en 'n nuwe Naam wat daarop geskryf staan wat net die een ken wat die klippie dra.... en Hy deel met ons van die versteekte manna.

En ek wonder so by myself, hoe kan mens in sonde bly leef as ons God soveel teer beloftes het vir die wat Hom volg... Jahweh Nissi

Ons leer ook van ons name en die betekenis daarvan. Dat God se plan vir ons lewens ook verband hou met die naam wat ons dra. My naam beteken "singer" en die geestelike betekenis is blydskap... die oomblik toe ek dit lees, dink ek aan hoeveel kere ek nie die blydskap ervaar nie, omdat soveel dinge my vreugde steel.... dan lees ek die versie wat spesiaal net vir my gegee is uit Jeremia 15:16 " when Your Words came, I ate them; they were my joy and my heart's delight, I bear Your Name, o Lord God Almighty..."
Dan kry ons die kans om te kies of ons vir altyd onder die banier van Jahweh Nissi wil loop en die kroon dra van Hom wat se: "So you will be My people and I will be yor God."

Hoe sou ons dan nie die kroon kies nie.
Ek bid vir elkeen wat hier lees die vrede van Jahweh Shalom, want vrede beteken om heel te wees.
Hier is amper almal van ons omgeegroep met ons krone... sussies in Jesus
Gaan kyk na die pragtige video op Sandra se blog .

Monday, April 6, 2009

Ons kamp saam

Die kamp is al lankal in die argiewe en ek kom nou eers by die blog uit... verskoon maar ouens. Ek was nie baie lus om die twee hondeseuntjies in die kennels te gaan los vir die naweek nie maar was darem ook bekommerd oor hoe hulle hulle sou gedra in die kar en op die kamp, maar hulle het my verras. Ek probeer hard om hulle te leer om agter in die kar te ry, maar nee, my skoot is die enigste plek vir hulle. Baie soet, ek moet se...

Didi le my skoot vol, so Taffee besluit my nek is net die plek. Hy doen dit van hy hier aangekom het. So kan hy lekker by die venster uitloer.


By die kamp aangekom is die twee uit hulle velle en hardloop uitgelate oor die gras. In die park hier in die stad bly hulle om my voete en is maar skrikkerig vit die geraas en die verkeer. Hier moes ek net keer, want hulle verken sommer die hele terrein... en ek is half nie lus om so rond te hol nie. Dit was nogtans so lekker om die twee so te sien.
Ek sien ook hulle het nie juis 'n saak met wie in die bed slaap nie. Daar was vier beddens in die kamer en hulle het hulle net tuis gemaak... en snags by almal gaan inkruip...tot my ontsteltenis :-0 bedags ook by enige een wat so gelukkig was om 'n middagslapie te vang.... nie ons nie... :-) Ek wens!!

Almal op die kamp het aandag gegee en water gegee en vasgehou en gespeel. Middagete by die eetsaal was dit erg warm en Hentie gee sommer vir hulle water so uit sy hand. Glad nie vreemd nie drink hulle gulsig.
Die kinders het hulle net so geniet en behoorlik tou gestaan om hulle vas te hou.
James se arms bied 'n welkome veilige hawe vir so bietjie wegkom van al die baie handjies af.

Die dors was groter as gewoonlik in die hitte. Kyk hoe probeer die twee uit dieselfe glasie drink... dit sukkel maar
Maar as mens beurte vat, dan gaan dit beter
Hulle is vodde toe ons die pad terugvat huis toe. Taffee wil nie sy kop neersit dat ons kan sien hy slaap nie, maar hy kan sy oe nie oophou nie. Didi het nie 'n saak nie. Hy slaap net
Terug by die golfbaan wil Minri se ma ook sien hoe lyk die twee.

Maar terug by die huis is daar nie sprake van slaap nie. Hulle is reg vir fetch speel... en ek wil net so bietjie rus...

Dit was heerlik om hulle op die kamp te he. Dankie vir almal wat gehelp het en maar toegelaat het dat die twee hansgoed sommer so by hulle in die bed inkruip. Vicky wat nie net tee aangedra het soggens vroeg nie, maar ook die twee uitgeneem het vir vroegoggend piepies op die gras. Jy is 'n blink sterretjie Vicky. Ons waardeer jou so baie. Dankie maat vir die fotos dat jy altyd instaanmamma is. Lief julle almal.