Showing posts with label kuns. Show all posts
Showing posts with label kuns. Show all posts

Tuesday, December 18, 2007

Niël se kuns...

Baie dankie vir die foto's wat ek uiteindelik gekry het seunskind. Ek deel dit graag met almal. Niël sê hy wag nog vir die uitslae, maar Unisa het hom gebel en aangebied om een van sy werke vir hulle kunsversameling te koop. Baie geluk Niël. Ek hoop nie dis dieselfde stuk wat Riza gevra het vir die kerk se jeuglokaal nie. :-) Ek is so bly die baie broos patroon het gehou en gehang!!
Ek bel toe vir Niël en vra wat beteken al die werke en hy stuur vir my 'n verduideliking maar Ek kan nie die goed oopkry nie. Nou gee ek terugvoer soos ek by Niël gehoor het en as dit verkeerd is seunskind, kan jy op die blog vir almal reghelp.

Die tema is kamofleur, maar dit gaan oor dinge wat deel is van almal en wat of in die ouerhuis (daarom die muurpapier) deel van ons gemaak word, of vanuit ons se direkte omgewing... die land. Die bottels bevat "ingelegte" handtekens... Dit verteenwoordig Jesus, vriendskappe en ander dinge wat ek nie kan onthou nie. Ons leef lewens en mense sien uiterlik die tien persent van hoe ons reageer en optree, maar 90 persent is onder die oppervlak onlosmaaklik deel van wie ons is.
So leef ons in 'n land vol geweld... die stuk met die pistool.. en dis ook die stuk wat die kunsgallery by Niël wil koop. Dis alles so waar Niël en ek is beïndruk, maar ons kan vashou aan die wete dat wanneer ons Jesus Koning maak van ons lewens, maak Hy alles nuut en dan maak die dinge om ons nie saak nie. Hy sê ons sal moeilikheid hê in die wêreld, maar om nie te kommer nie, want Hy het die wêreld oorwin.

Tuesday, November 27, 2007

Kuns eksamen

Hallo almal, Ek is terug in Abu Dhabi na 'n baie kort en besige tien dae. Maar ek het darem gesien hoe Niël se laaste Unisa kuns praktiese eksamen vorm aanneem... sien seunskind... ek glo dis die laaste eksamen. Volgende jaar kom vier ons jou "graadvang" .

Niël sny patrone uit 'n stuk plywood... met 'n figuursagie.. en die uiteindelike produk is pragtig, maar dit breek uitmekaar. Ek lê lank wakker die nag en wonder wat Niël kan doen want daar is nie tyd vir iets anders uitdink nie.. my seun werk op adrenalien en op nr 99,99 en ons almal se senuwees gee in.

Ek sien hoe hy die patroon teen iets plak en maak die voorstel van 'n perspeks agtergrond. Ek het nie die eindproduk gesien nie, maar gehoor dat die stuk nog 'n paar keer gebreek en gelas en gebreek is maar uiteindelik gehang het en ek sal foto's kry. Ek beter Niela.
Ek was ook beïndruk met die kamofleer tema en die reuse foto's wat uitgsny en teen 'n geskilderde agtergrond geplak is. Riza wou weet wat hy daarmee gaan maak na die eksamen en Niël sê hy gaan dit verbrand... so moeg kan mens raak vir sukkel. Maar Riza stel voor hy hang dit in die jeuglokaal van die kerk en so gesê so gedaan. Maar die lokaal moet nog ontwikkel word.. praat van prentjies sien wat nog in die toekoms lê.
Ek sal foto's stuur van die kuns wat hang daar in Unisa se eksamenlokaal... julle beter vir my foto's stuur kinders. Ons hou duimvas vir die uitslae Niël. Ek wens net jy het twee naweke vroeër begin werk aan die kuns. Ek het ernstig uitgemis op kuier met jou en die kosbare tye met familie wat mens mis, kry jy nooit weer terug nie.... En 'n krises soos ies wat breek kon rustiger herstel word.

En Meis, dan sal ek graag die jeuglokaal wil sien as dit ontwikkel is en die prente hang teen die muur... reg so?