Showing posts with label Abu Dhabi. Show all posts
Showing posts with label Abu Dhabi. Show all posts

Tuesday, August 19, 2008

As ons alleen by die huis is

Ek het al baie gewonder wat my drie skermunkel seuns maak as ek nie by die huis is nie en vanoggend is ek siek en kan lekker by die huis bly en ek werk bietjie op die laptop. Die twee hondeseuns is altyd by en om my as ek huis toe kom, maar toe ek besig raak vanoggend verdwyn hulle en ek gaan loer... hulle le voor die venster in die son... elkeen met sy eie sagte speelding... wat eintlik myne is... en 'n waslap... nou weet ek hoekom ek altyd 'n waslap moet loop soek as ek wil bad saans. Ons het 'n roetine... een oggend toe ek Dee wil kos gee, het ek die bakkie laat val en die kos het oral oor die gladde teels gespat.. maar die twee "stofsuiertjies" was gou by om die vloer skoon te maak. Nou wag hulle elke oggend vir die spatsel kos oor die kombuisvloer wat hulle dan soos hoendertjies oppik. Dee slaap agter die kas en bly uit hulle pad. Didi kruip ook partykeer onder die kombersie in en neem sy sagte speelding saam. Ek sal tog probeer om 'n video te maak van Dee en die hondtjie se koerante "toilet". Hy KANNIE verstaan dat hulle so mors nie en as hy verby stap dan krap hy net toe... en kan dan ook nie verstaan dat al sy gekrap nie enige effek het nie... ek wil my dood lag vir hom. Een van die dae as dit begin koeler raak, sal ek en die hondeseuns weer bietjie gaan stap. Intussen kry hulle baie raas oor hulle die mat vor die venster uitkrap. Vanoggend het ek ook 'n stuk van die marmer vloerlys en 'n skroef gekry. Dink julle die twee is besig met prison break? Ek dink nie die skroef kom uit die muur nie... hmmmm??

Thursday, August 7, 2008

Ewolusie

Ek glo nie ons kom van ape af nie maar ek glo en sien wel dat baie indrukwekkende dinge van baie eenvoudige dinge afstam... neem nou maar die goeie gewone yster wat op die koolstoof warm gemaak is en waarop mens moes spoeg om te sien of die yster warm genoeg is. As mens se spoeg afspring sonder dat dit lyk of dit yster geraak het... en op mens se voet beland... juk.... dan is die yster reg vir linne en te warm vir fyn katoen en as die spoeg sissend op die yster bly le, dan is dit nog nie warm genoeg nie. Het iemand met so yster leer stryk? Ek het... en myself gebrand. Baie kere... elke keer om die waarheid te se.
Later was daar die elektriese yster met die knop wat mens kon stel, maar geen stoom nie. Mens het 'n spuitbottel gehad waarmee die wasgoed eers bietjie gespat is en dan het die yster redelik gewerk. Ek het myself en klere daarmee gebrand.. Toe kom die stoomyster en ia, dit is einntlik 'n baie goeie ding as dit 'n goeie maak is. Nie die goedkoop stuff wat mens by Clicks koop vir die huisbediende nie. En so het ek vir lank gedink dat dit die ultimate in ysters is.
Natuurlik het ek geweet van die stoomysters wat die winkels gebruik en ook die Elna strykyster wat mens net afdruk. Maar toe ek vouchers by die werk kry en die "Princess" raaksien en dit nie uit my eie sak kom nie, het ek besluit dis dalk nou die kans om te "ewoleer"... nie ovileer nie :-). Ek het dit redelik maklik aanmekaar gekry sonder aanwysings maar toe die Prinses bietjie lank neem om warm te word, het ek begin lees en gesien mens moet oefen en oppas vir brand en nie die kledingstuk aan die onderkant vashou nie... omdat mens kan brand... en dat sommige kledingstukke makliker hanteer as mens van die binnekant af stoom. En toe begin die Prinses soos 'n babadraak stoom uitblaas en ek
en die honde koes en staan die spul op 'n veilige afstand en bekyk. Die eerste keer was moeilik en ek het tweekeer langer "gestryk " aan die klere en my 'n keer of wat sererig gebrand. Toe raak ek brawer en druk my hand onder die kledingstuk in.... dit was baie seer... dis soos om mens se hand in die stoompot te druk. Mens kan 'n eis teen die maatskappy instel!!
Ek onthou ek het gelees mens moet maar bietjie oefen en ek probeer weer., Die tweede keer het dit baie makliker gegaan en ek het weer die "van binne af ding " probeer. Ek sal nog bietjie oefen... maar kyk ek het tot die linne gestoomstryk gekry en dit lyk nie te sleg nie. En die tweede keer het dit heelwat vinniger gegaan. Ek voel nog nie die drakie verdien haar naam, Prinses, nie, maar dalk sal dit nog kom.. Op die stadium lyk sy nog vir baie soos 'n "Alientjie".

Monday, July 14, 2008

Hier kom die somer die son...

So se die liedjie en in Suid Afrika beteken dit klim uit die winterkokon en voel die son op jou lyf, maar in die land beteken dit ... hardloop en kruip weg en maak die deure toe en sit aan die lugreelings... maar die kinders kuier en wil graag in die see swem. Ek moet julle vertel dat die seewater nou tussen 30-32 grade is. Die Al Raha strand is seker een van die mooistes wat ek gesien het met die pragtigste swembad en die see sommer net so naby. Maar dit kos klomp geld en daarom besluit ons om maar so lank moontlik te vertoef en waarde vir ons geld te kry. Dis elke sent... of fil werd. Dit kan ek julle se. Kyk die swembad en die klein kiosk waar mens kan gaan vrugtesap drink. Dis baie stil soos julle kan sien, want dis WARM. Die kinders het die kans om op die geel piesang... of lyk dit nie vir julle meer soos 'n potlood nie... te gaan ry. Hulle is vol pret. Ons hoor hulle het drie keer afgeval.. twee keer aspris, want William is erg ondeund en eenkeer per ongeluk want Riza gooi haar lyf na die verkeerde kant toe. Hulle lyk in elk geval baie gelukkig toe hulle terug is by die beginpunt. Klik op die link om die video te sien wat Sandra geneem het van die finale inkom...of afval... :-)http://tussen-die-duine.blogspot.com/2008/07/pret-in-die-water.html

Ons twee ou tannies daarenteen (skuus maat... jy is nie so oud nie) het 'n paar dae lank moes koes vir die son op ons tamatierooi skouers. Maar weet julle dat hierdie son mens regtig bruin brand?

Sunday, July 6, 2008

Ons verstom ons aan die Moskee

Dis nou so lekker dat mens so apmer naby mekaar bly so ver van die huis af. Die familie wil graag die moskee sien en ek vind uit dat mens so mooi tussen bidtye kan gaan en ek klim op die internet om die bidtye uit te vind en kom op 'n webwerf af wat vertel van bidtye en kleredrag. Mens ... veral vrouens, moet goed toe wees... langmoue tot by die polse en lang klere tot op die enkels plus die scarf oor die kop en ek laat Hannes en Lorraine weet, maar daar gekom staan Lorraine en Angela in hulle Abajas. Ek erken hulle amper nie. En ek en Elriza word ook uitgerus... of toegerus. So onthou maar vir die wat die moskee wil besoek... koop maar jou eie Abaja of wees reg om daar een te dra. Hannes neem fotos en Angela sit haar arm om haar man se lyf... die "poliesman" kom se vir haar ... "no touching... and cover your hair" Angela is heel verlee en kom waarsku ons om ons hare onder die serpe in te kry en ons doen dit maar ewe gehoorsaam. Mens het mos nie lus om in die moeilikheid te wees nie. Ons verkyk ons nogtans en weereens aan hierdie pragtige plek. Kyk hierdie soliede glas deur... die pilare... marmerinsetsels... die torings en tapyt... die grootste in die wereld wat twee jaar lank deur 1200 Iranese vrouens geweef is en
Alessia het nie 'n saak met enige daarvan nie.. sy kruip op die mat rond... kan julle dink hoe sy eendag vir haar kinders die dinge kan vertel. Of dalk sal ons vertel en sy sal die foto's wys..

Friday, May 16, 2008

Die honde se dag uit

In plaas daarvan om die hondjies te neem om in die park te gaan stap in die hitte het ons dit goed gedink om hulle see toe te neem om in die lekker louwarm seewater te gaan swem en geswem het hulle... tot ons almal se groot plesier. (Kliek op die pyltjie links om video te sien)


Taffee begin sommer al swem voor sy pootjies water raak en kan hy wikkel...

Didi swem selfs na my toe en die twee is al agter my aan. Wil so graag opgetel word.

Wat is lekkerder as om die sand vir 'n handdoek te gebruik. Ek vermoed die sout is dalk ook 'n lastigheid, maar hulle het elkeen 'n lekker bad gekry terug by die huis, en nee, die swemmery het hlle nie vaak gemaak nie, net honger en daarna was hulle eers vol lewe. Ons sal dit beslis weer doen, maar dalkies moet ek net eers 'n soort plastiek "cover" kry vir F.R.O.G Sy het ook 'n bad na die see uitstappie nodig gehad.

Monday, March 31, 2008

'n Nuwe park in Abu Dhabi

Daar is nou weer 'n nuwe plek wat mens kan gaan besoek as hier mense kuier, maar ek reken nogal nie dat die park in die somer sal oopwees nie, want toe ons Vrydag die wind trotseer en in die al hoër temperature wat ons begin beleef die park gaan besoek, het ek gevoel dis amper klaar te warm om die hengse end van die hek na die museum/restaurante/ akwarium te stap... Ons het in elk geval soos kleintjies "gehardloop" ... nie regtig HARDLOOP nie... om op die treintjie te klim wat reg om die park ry met die doel om soveel moontlik met so min moontlik effort te doen. Ek het net weer besef die mense doen nogal niks in kleinmaat nie en dit voel vir my so onderbenut. As ons so amfitiater in Suid Afrika kon hê... dink net.. en kyk die pragtige tuine en grasperke. Daar is natuurlik ook die dele wat wys dis eintlik woestyn en sien hoe elke palmboom sy eie klein sproeiertjie het. Dis "lewensnoodsaaklik" vir die plante en bome in die land, maar wat mens waardeer is dat hulle geen moeite.. of koste ontsien om dit mooi te maak nie. Die speelpark vir die kinders en pragtige fonteine is alles bewys daarvan. Ek het die akwarium baie geniet. Kyk hierdie mooiste vissies... ok, party is minder mooi, maar hierdie "lelike" ou het so mooi "gepose" vir 'n foto. Daar is 'n "heritage" museum, maar die is toe. Nie seker waarvoor nie, maar die voeltjies maak solank nes en die twee perde kry taamlik aandag. Die ou soek net water... kan verstaan. Teen die tyd was ek ook lekker dors. Ongelukkig was die restarant toe ook toe. Eendag as ons weer gaan, sal die Marina museum dalk ook oop wees... en die restaurant... en dalk sal mens met 'n bootjie op die grag om die mooi gebou en onderdeur hierdie hout dhow kan vaar.

Sunday, January 20, 2008

Dit REëN!!!!

Ek was Sondagoggend so teleurgesteld toe ek buite kom en ek sien alles is nat en ek het die reën gemis, maar die wolke het gebly ... hoewel dit die res van die dag nie gereën het nie..... nie waarvan ek weet nie. Mens hoor mos nie donderslae en sulke goed hier nie. Maandagoggend, toe ek buite kom, drup dit saggies. Ag ek was so in my skik. Julle het geen idee hoe opgewonde mens raak as die reën eenmaal 'n jaar hier val nie. Oppad Mafraq toe, het dit al harder gereën, opgehou en oppad terug kantoor toe... so hard gereën dat ek nie die karre so dertig meter voor my kon sien nie. Die middag het ek hierdie foto van my woonstel se balkon geneem. Kyk hoe grys is die lug, maar dit het gelyk of dit wil ooptrek. Dis baie lekker skoon en vars al het die helikopters 'n paar keer oor ons koppe gevlieg oppad na ongelukstonele. Kan julle julle voorstel hoe glad die paaie is na 'n jaar se droogte en saampak van olie? Die mense kry nie baie oefening in reën bestuur nie. Daar was selfs op die intranet 'n "powerpoint presentation" oor hoe mens op nat paaie bestuur. Nog 'n dag later... jinne ouens, ons het amper weggespoel in hierdie land. Dinsdagaand het ek uitgegaan om te gaan vleis koop en kyk hoe staan die F.R.O.G met haar voetjies tot by haar knieë in die water. Die klein buurman het ewe vriendelik vir my geglimlag. Dit is die "parkeer swembad" voor die woonstel. Dit het blykbaar tien jaar gelede laas so gereën in hierdie woestyn. Woensdagoggend is ek in gietende reën Akademie toe in Dubai. Dit was 'n nagmerrierit so in die donker met die water wat oor die paaie stroom. Die skole in Dubai en van die skole in Abu Dhabi het gesluit. In Dubai is 1200 ongelukke aangemeld in die paar dae. Ek was in nood toe ek in Dubai aankom, maar gelukkig het dit toe opgehou reën deur die dag en het ek en F.R.O.G relatief droogvoets by die huis aangekom... oorstromings in die woestyn... nou het ek alles beleef!!!

Tuesday, January 15, 2008

Die Reënboog sheikh se motormuseum

Vyf en 'n bietjie jare terug, was ons eenmaal by die museum so ent buite Abu Dhabi op 'n moeilike plek waarheen mens maklik kan verdwaal... Ons was daar toe Annie en Corli hier was en ek het my so verstom aan al die veranderinge en die motors daar dat ek Niël net moes neem. Ons het in 'n sandstorm ingery wat ook nogal 'n ervaring was en ek moes mooi ry om seker te maak ek is op die regte pad.
Daar gekom... ek was so trots op myself, het ons gaan broodjies eet en die land se beroemde vrugtesap drink
in die Jeep
en ook foto's van die woestyn uit die Jeep se venster geneem.








Niël is halpad oppad na die museum deur die kameelman opgelaai. Ek het gelukkig 'n verskoning gehad waarom ek nie op die kameel kan ry nie, want ek het 'n romp aangehad. Ek kan mos nie vir die mense nee sê nie.
Hierdie swart gevaarte is 'n soort "huisie langs die water" waar ek dink die sheikh in tuisgegaan het vir visvang. Moenie die storie aan die koerante verkoop nie. Ek het dit self opgemaak, maar dit het langs die water by die hawe gestaan... daar waar die werf is waar hulle die dohws bou.





Die aardbol is 'n reuse karavaan waarin daar agt kamers en ander vertrekke is word ek vertel, maar kon dit nog nooit van binne sien nie

Die massiewe trok was die enigste voertuig wat in die piramide was toe ek die eerste keer daar was. Nou is die plek pragtig omskep in 'n baie indrukwekkende museum vir al die reënboog sheikh se voertuie. (Hy het juis sy naam gekry weens sy liefde vir kleur en ek reken voertuie.)


Hy bv eenkeer sewe Mercedes'e by sy vrou gekry vir sy verjaarsdag in sewe verskillende kleure, spesiaal vir die Sheikh gemaak.


Tot die sitplekke is die kleur van die motor.


Die agtste motor is in al die ander sewe kleure.



Voor die deur van die museum staan nog 'n Mercedes op hierdie WIELE... En ek dink mens kan seker diep in die woestyn inry met die motor. Ek het so een nodig want 'n vier by vier kry my nie deur die sand nie.Toe ek en Niël so halfpad deur die museum is kom se die ou wat verantwoordelik is om die motors skoon te hou dat die museum eintlik toe is weens die sandstorm wat woed. Ons moes onderdeur die staaldeur kruip, maar die glasdeur was oop... ek vra toe maar mooi ekskuus en hy sê dis reg, ons kan maar klaarkyk... ek is bly ons het nie verniet gery nie. Dit sou 'n groot teleurstelling wees.



Wat dink julle van hierdie besienswaardigheid? Wiehann, Niël is oortuig dat jy verseker die plek moet kom sien.... ek sien uit om dit vir jou te gaan wys. En ek dink ek sal die plek weer kry.

Wednesday, January 9, 2008

Die Moskee

Van ek hier in Abu Dhabi gekom het.... en lank voor dit, was hulle besig om aan die moskee... die vierde grootste in die wêreld en wat die naam van die vorige Shiekh, Zayed bin Sultan Al Nahyan dra, te bou en ek het baie dae gewonder wat vat so lank.

In hierdie tye sal mens 'n konstruksie perseel sien die een dag en 'n maand of so later, staan daar 'n gebou. Toe vind ons uit dat daar nou besoekers toegelaat word en ons spring in ons sheilas. Ons moet lang mou lang rokke/rompe dra en al ons hare moet bedek wees en dan natuurlik kaalvoet... Maar dis reg. Niël was net so opgewonde om die moskee van nader te gaan bekyk, maar jinne ouens, niks kon ons voorberei op wat vir ons gewag het nie.

Hierdie is die baie indrukwekkende ingang en geen manier om 'n foto te neem wat alles inpas nie. Elke sentimeter van die moskee is met marmer bedek.

Daar is marmer blomme ingelê in die mosaïek en marmer op die vloere... of die binnehof dan.

Daar is ook reliëfwerk teen die mure en hierdie pragtige pilare met die blommetjies wat in die pilaar ingelê is.

Die mat in die hoof bidlokaal, beslaan twee rugbyvelde en is die grootste ter wêreld.

Daar is 'n paar van hierdie reuse kandelare en dis heeltemal onmoontlik om dit in 'n foto vas te vang. Dit is net eenvoudig onbeskryflik.

Die houtpanele is hier en daar teen van die mure en sal dalk ook simboliek hê en die blomme wat in die houtpaneel ingelê is, is perlemoen.
In die middel van die hoofbidlokaal is kolomme pilare wat so vier vier bymekaar staan

met hierdie pragtige geel blommotief in die middel. Dis waar die ouens die Koran kan sit en lees.

Daar is ook hierdie "swembaddens" om die moskee en ek het gewonder of dit vir voetewas sou wees??

Die mense is steeds besig om die mosiëk in die binnehof te lê.

En buite is die tuine onder konstruksie. Sandra se navorsing sê dat 40,000 mense in die binnehof geakommodeer kan word en 5000 in die hoofbidlokaal... wow!! Klik op die link na Sandra se blog. Sy het 'n klomp baie interessante statistiek oor die moskee.

Die gedagtes wat by my opgekom het is dat ons as Christene nogal nie sulke kerke meer bou nie. Dawid wou so graag vir God 'n tempel bou om Hom te eer en onthou God se antwoord? Die aarde is die voetbank van sy voete. Hoe sal ons vir Hom 'n huis kan bou..... maar as ons as mense instaat is om soveel prag en praal te skep op aarde dink net hoe die stad van goud, die nuwe Jerusalem sal wees!