Showing posts with label Alessia. Show all posts
Showing posts with label Alessia. Show all posts

Sunday, July 6, 2008

Ons verstom ons aan die Moskee

Dis nou so lekker dat mens so apmer naby mekaar bly so ver van die huis af. Die familie wil graag die moskee sien en ek vind uit dat mens so mooi tussen bidtye kan gaan en ek klim op die internet om die bidtye uit te vind en kom op 'n webwerf af wat vertel van bidtye en kleredrag. Mens ... veral vrouens, moet goed toe wees... langmoue tot by die polse en lang klere tot op die enkels plus die scarf oor die kop en ek laat Hannes en Lorraine weet, maar daar gekom staan Lorraine en Angela in hulle Abajas. Ek erken hulle amper nie. En ek en Elriza word ook uitgerus... of toegerus. So onthou maar vir die wat die moskee wil besoek... koop maar jou eie Abaja of wees reg om daar een te dra. Hannes neem fotos en Angela sit haar arm om haar man se lyf... die "poliesman" kom se vir haar ... "no touching... and cover your hair" Angela is heel verlee en kom waarsku ons om ons hare onder die serpe in te kry en ons doen dit maar ewe gehoorsaam. Mens het mos nie lus om in die moeilikheid te wees nie. Ons verkyk ons nogtans en weereens aan hierdie pragtige plek. Kyk hierdie soliede glas deur... die pilare... marmerinsetsels... die torings en tapyt... die grootste in die wereld wat twee jaar lank deur 1200 Iranese vrouens geweef is en
Alessia het nie 'n saak met enige daarvan nie.. sy kruip op die mat rond... kan julle dink hoe sy eendag vir haar kinders die dinge kan vertel. Of dalk sal ons vertel en sy sal die foto's wys..

Friday, June 27, 2008

Mooie meisies

As ek skryf oor die diereseuns, dan moet ek ook vertel van ons mensemeisies. Elma stuur die mooi foto van Amica, Ilke en Xenia an kyk net hoe groot word Xeni. Sy kruip en begin praat. Voeltjies is tjies-ties en sy kan Tikkie se... dis die groot hond se naam. Sy se ook Dadda.. En het sy nie die mooiste twee ousussies nie. Elma se die oumading is WONDERLIK... ek glo haar en ek is so jaloers. Intussen geniet ek klein Alessia wat nou saam met mamma Angela gekom het om by Hannes, wat al van einde Maart hier is, aan te sluit. Sy speel peek a boo en het vir haarself 'n sleutelspeletjie ontwerp. Sy maak so bromgeluidjie as sy die sleutel in haar hand het, dan laat sy dit val en bly tjoepstil... dan kom die handjie in die lug.. regte Italiaanse gebaar en mens kan haar stukkend druk. Hannes laai haar in die kar en sy maak seker haar ma kom ook. Ek hou so lekker vas aan die babalyfie. SOOO lekker om sulke ou kleintjies in die familie te he.

Tuesday, May 20, 2008

Alessia

Hoewel ek nie kleinkinders het nie, weet julle wat my bietjie ken, dat ek erg broeis is oor die kleingoed. Ons het sulke mooi foto's geneem van Alessia dat ek darem net so paartjies met julle wil deel. Sy is 'n wakker, nuuskierige en sosiale klein aspatat wat vir baie vermaak sorg. Sy is saam met almal op die stoep en kuier en gesels terwyl sy eintlik moet slapies. Hier sit sy in die skottel bo-op die eetkamertafel sodat mamma Angela haar onder beheer kan kry om te voer. Ek moet bysê dat dit nie eintlik gewerk het nie. Na ete wys sy vir my en Niël die blomme. Sy en ouma Bessie op die stoep terwyl ons wag vir koek en koffie. Riza en Alessia wys vir ons haar "love" tights. Ons geniet haar vreeslik. Een van die dae is sy hier naby en dan sal die F.R.O.G. seker gereeld die pad Dubai toe vat om te gaan kuier en bederf.

Thursday, April 24, 2008

Dag een en twee...

En terwyl ek hier sit en skryf, is ek al besig met dag drie... die tyd gaan so vinnig verby. Dit was so lekker om die kinders weer te sien en met blomme begroet te word. Die ongemaklike sit en kannie slaap op die vliegtuig skoon vergete. Ons is sommer reguit na Petwings se kantore om vir die hondjies se vlieg te finaliseer en gesien dat hulle nie net hulle eie hokkies kry wat spesiaal vir hulle gemaak word nie, maar dat hulle ook gourmet kosse gevoer word op die vliegtuig.
Ek moes opsluit eers saam met die kinders huis toe om met die hondjies te gaan begin bond... so sê my dogter. Hulle was baie vrolik en vol dinge en probeer die kat van die kas af kyk omdat sy daar sit en eet en hulle kan nie bykom nie.
Betty dra vier of vyf nuwe klein hondjies en dis 'n goeie tyd vir die tieners om uit die huis te kom dat die mamma kan rustig raak voor die kraam. Ons het lekker saam kos gemaak en gekuier en al die honde om ons...
hier sit Jimmy onder my romp en wat julle nie kan sien nie is dat een van die Chihuahuas ook onder die romptent sit. As dag een hoofsaaklik kinders en honde was was dag twee familie en kerk. Riza lei die praise en worship... (foto's volg) Ek is nog nie heeltemal papprazzi... of mammarazzi nie, maar dis spesiaal vir DJ.
Na kerk het ons heerlik gaan eet en kuier by Angela en Hannes se huis. Hannes het die tafelgebed met sms gedoen en ons het die familie in Dubai sommer baie gemis. Hier sit ons aan die tafel voor die ete en Hannes,
die foto van Angela en Alessia is spesiaal vir jou. Ek het vir Roxanne die drukkie van jou gegee sus. Sy mis jou ook baie.
Ek het baie tyd met Alessia spandeer. Sy is agt maande oud en by dierbaar verby.
Sy het haar behoorlik verkyk aan Niël met die kamera en
by Elriza gesit en speel met die hondjie... wat ook soentjies gekry het. Ek praat sommer gou weer... intussen het ek gaan warm skoene koop want to ek vanoggend wakker word was dit 2... ja twee... (2) grade. Jinne wanneer laas het ek so koud gekry.. Ek hou julle op hoogte. Lief julle almal

Tuesday, February 26, 2008

Hartplekke en spesiale mense

Harrismith het altyd vir my soos "huis" gevoel en ek dink nie daar is 'n Kapenaar wat so lief is vir Tafelberg soos ek vir Platberg nie.Meeste van die tyd is ek heeltemal gelukkig en tevrede so ver van die huis af, tot ek hierdie foto van Hannes kry.... en dan weet mens net weer jou plek is jou plek. Ek het lekker verlang trane gehuil. Maar is dit nie kosbaar dat ons Vader altyd wys Hy is daar vir ons. Soms is dit 'n lied, ander kere 'n skrif, 'n mooi brief, goeie vriende, kinders se laggies en soms is dit, soos op die foto.... 'n reënboog.Ek en Hannes en Lorraine is nou aldrie in die UAE.... Angela en Alessia sluit een van die dae by Hannes aan. Steyn, jy moet groot vasbyt by die nuwe skool en weet ons dink aan jou. Dis goed dat jy so gelukkig is.Alessia is gedoop die naweek en het kliphard saam gesels en gelag en was heeltemal reg om te bad nadat die lekker warm watertjies oor haar koppie uitgegooi is.

Wednesday, January 30, 2008

Die babas word so gou groot

Ek het al 'n ruk terug hierdie pragtige foto'tjies van Alessia gekry en die klein meis is nou al weer 'n maand ouer. So, voor sy begin loop, kyk net hoe dierbaar kostelik is sy.
Sy is baie verbaal, sê ouma Bessie, en laat almal die heeltyd presies weet waarvan sy hou en nie en gesels sommer tussenin ook. Wonder of sy eendag in die politiek sal ingaan en ons President word. Nog 'n lagbek is klein Nicholas. Eunice skryf dat hy vir alles en almal lag en dat sy twee ouboeties baie oulik is met hom en uit hulle pad gaan om in haar pad te wees as sy met Nicholas werk... :-) Hierdie kleinman in nog nie drie maande oud nie en kyk net hoe wakker en vol pret is die gesiggie. David en Steven word so mooi groot. Is dit nie twee "handsome" manne nie?

Saturday, December 1, 2007

Ons meisies kuier

Een van die spesiale dinge van kuier by die huis is as ons sommer so op die ingewing van die oomblik kan besluit ons gaan ontbyt eet en gelukkig werk niemand nie... ek is met vakansie en Angela het babaverlof by die huis en Lorraine is gereed om Dubai toe te kom. Sy wag net dat Roxanne haar laaste vak vir matriek skryf, en die Kollege het gesluit.... so drie geslagte van meisies kon bietjie saam kuier.


Natuurlik is die kleinste ook die een wat die kuier reël en al die aandag kry en op meeste van die foto's is. Ons het mos almal ons beurt gehad van so belangrik wees of hoe. En as daar nog 'n boetie of sussie kom, dan is dit skielik verby en moeilik om te verstaan. Alessia het so effens van 'n rustelose nag gehad en was nie lus vir enige van ons nie.


Net mamma was in tel en solank sy in Angela se arms was, was sy vol glimlaggies. Dis reg poplap. Jy mag maar so voel.


Hierdie foto's bêre mens vir die familie albums. Dis so spesiaal dat ouma en susters en dogter op een foto saam is. Dankie vir elkeen van julle en vir die tyd maak vir hierdie baie belangrike saamkuiers. Mens weet nooit wanneer dit weer kan gebeur nie. En 'n addisionel lekker was regte scones!! Ek weet hoekom my klere so styf sit na die tien dae..

Thursday, November 15, 2007

Bietjie nuus hier van Johannesburg af

Hallo almal, Ek dink die eerste nuus wat ek wil deel is oor die honde en die babatjie.
Ek kon nie wag om die goedjies in my arms te hou en op te soen nie. Die hondjies is vreeslik oulik en spelerig en dierbaar en eintlik kleiner as wat ek gedink het hulle sou wees. Ek weet nie presies hoe groot ek hulle geskat het nie, maar ag... hulle is maar baie effens.

Maar soos regte honde speel hulle en byt mekaar se ore en krap hulle oortjies, jaag hulle stertjies
en dan gaan le hulle op 'n bondeltjie en slaap te lekker.

En natuurlik klein Alessia... Sy is pragtig en besig en wakker en baie nuuskierig. Terwyl almal kuier en lag en gesels, slaap sy net sulke kort stukkies. Hier is sy by my tannie Charmaine, wat baie suinig was om haar met iemand anders te deel... ek is mos darem 'n hele paar vashoue agter.
Ek het darem 'n foto van haar en ouboet Steyn

en mamma Angela en pappa Hannes geneem. Die dingetjie gesels al lang stuke babataal sinnetjies. Sy is 'n ou engeltjie...

Monday, October 8, 2007

Pappas en babas, ooms, tannies, en sussies

Ons twee nuwe meisie babas is nou al 5-6 weke oud. Ek het nie foto's van klein Xenia geplaas nie,



maar hier is die klein pop by haar tannie Erika en pappa Andre


en sussies Ilke en Amica.

Xenia beteken "hopitable, friendly, kind, caring..." soos Elriza gesê het, 'n regte ou dogterjie. Ek wag nou vir foto's van die gesiggie en die ogies en die glimlag... ja, eintlik sou ek haar net 'n ou drukkie wou gee. Elma sê sy lag al vir hulle.
En hier is ons klein Alessia.... en soos haar naam sê is sy besig om almal se harte te wen.
Hier is sy saam met haar pappa
en oom Sean... en vas aan die slaap.. en met oop ogies vol verwondering. Lorraine sê sy kan nie daar wegbly nie en Niël sê sy het haartjies swart soos roet en 'n mondjie rooi soos bloed... ons eie klein Sneeuwitjie.. of Sleeping Beauty. Nes ons wil.

Hier is 'n bederf video'tjie wat ek van Lorraine gekry het. Wat sal ons sê? Alessia begin vroeg oefen om te kruip... een beentjie werk mooi saam, die ander voetjie klou vir die vale...

Geniet die klein mensies en die vreugde wat hulle bring.

Lief julle almal