Showing posts with label baba. Show all posts
Showing posts with label baba. Show all posts

Tuesday, December 11, 2007

Jesus is beter as Santa Claus

Na aanleiding van my vorige post, stuur Riza toe vir my hierdie baie pragtige stuk oor Jesus en Santa en ek deel dit graag met julle. Ek vertaal dit en dis nie deur my uitgedink nie. Dis met volle erkenning aan die persoon wat die stuk geskryf het met so mooi seëngroet daarby.
Jesus is beter as Santa


Santa bly in die Noordpool, Jesus is oral. Santa ry in 'n slee, Jesus ry op die wind en loop op water. Santa kom net eenkeer 'n jaar, Jesus is altyd en alomteenwoordig. Santa maak mens se kerskouse vol goetertjies, Jesus voorsien in elke behoefte. Santa klim ongenooid deur jou skoorsteen, Jesus staan by die deur van jou hart en klop.. en maak Sy woning in jou hart. Mens moet in die ry staan om Santa te sien, Jesus is so naby soos die noem van Sy Naam. Santa laat jou op sy skoot sit, Jesus gee jou rus in Sy arms. Santa weet nie wat is jou naam nie. Al wat hy kan sê is "hallo klein meis/ meneertjie, wat is jou naam?"Jesus het jou naam geken voor jy gebore is. Hy ken nie net jou naam nie, maar ook jou adres. Hy ken ons verlede en ons toekoms, Hy weet selfs hoeveel hare op ons koppe is. Santa het 'n jelliepensie, Jesus het 'n hart VOL liefde... Hy IS liefde. Al wat Santa bied is ho.. ho... ho... , Jesus bied "hope, health and help. " Santa sê: "Moenie huil nie", Jesus sê: "Werp al jou bekommernisse op My, want Ek sorg vir jou."
Santa se helpertjies maak nuwe speelgoed, Jesus gee nuwe lewe, maak stukkende harte heel, herstel gebroke huise en bou vir ons 'n paleis in Sy koninkryk. Santa laat jou glimlag, maar Jesus gee vreugde wat jou sterk maak. Terwyl Santa geskenke onder die boom pak, het Jesus vir ons aan die kruishout gesterf. Dit is teen die tyd seker baie duidelik dat daar werklik geen vergelyking is tussen Santa en Jesus nie. Kom ons sit Christus terug in Kersfees. Hy is steeds die REDE vir Kersfees.
En toe kry ek ook hierdie pragtige foto's van drie klein engeltjies daar ver in Johannesburg. Ousus Amika, ondeunde Ilke en baba engel, Xenia.

Thursday, November 29, 2007

Die kinders speel

Die klein hondjies het vir ure se pret gesorg. Riza en DJ besluit die "kleingoed" moet elkeen 'n speelding kry en dit moet by hulle persoonlikhede pas. Ons gaan ruil Niël se korreltjie loodverf om vir verf wat glad is en Riza sien die sagte speelgoed. Dit neem lank om met sms saam met DJ te besluit wat elkeen moet kry. So kry Pancho die sagte beertjie en Taffy die leeu en Diddi die kameelperd.Maar by die huis, besluit pappa Tavid hy moet elke speelding eers uittoets

en mamma Beth help met die goedkeuring
en almal word toegelaat om saam te speel.Dit lyk of die kameelperd die grootste aftrek kry,
maar Diddi kry op die ou end die leeu beet en gaan lê onder die bed daarmee. Hierdie honde gesinnetjie is opvreetbaar oulik. Tavid en Beth is sulke oulike ouers en kry baie liefies van ounooi Riza. Hulle gebruik ook die tydjie om mekaar so bietjie te liefkoos. Is dit nie pragtig nie. Pancho moet een van die dae na sy nuwe huis toe gaan. Ek weet... my hart wil namens Riza en die res van die gesinnetjie breek, maar dis mos maar hoe dit is. Ons bid dat hy na 'n liefdevolle huis toe gaan en sal sorg vir groot pret.

Thursday, November 15, 2007

Bietjie nuus hier van Johannesburg af

Hallo almal, Ek dink die eerste nuus wat ek wil deel is oor die honde en die babatjie.
Ek kon nie wag om die goedjies in my arms te hou en op te soen nie. Die hondjies is vreeslik oulik en spelerig en dierbaar en eintlik kleiner as wat ek gedink het hulle sou wees. Ek weet nie presies hoe groot ek hulle geskat het nie, maar ag... hulle is maar baie effens.

Maar soos regte honde speel hulle en byt mekaar se ore en krap hulle oortjies, jaag hulle stertjies
en dan gaan le hulle op 'n bondeltjie en slaap te lekker.

En natuurlik klein Alessia... Sy is pragtig en besig en wakker en baie nuuskierig. Terwyl almal kuier en lag en gesels, slaap sy net sulke kort stukkies. Hier is sy by my tannie Charmaine, wat baie suinig was om haar met iemand anders te deel... ek is mos darem 'n hele paar vashoue agter.
Ek het darem 'n foto van haar en ouboet Steyn

en mamma Angela en pappa Hannes geneem. Die dingetjie gesels al lang stuke babataal sinnetjies. Sy is 'n ou engeltjie...

Friday, October 19, 2007

Oop ogies

Ons babahonde se ogies is oop.
Ek is so gelukkig om die een te hê wat baie dapper... en honger is.
Gedryf deur 'n magie wat gor, het hy dit uit sy veilige bokskamer gewaag om sy ma te gaan soek.
Gelukkig het hy nie te ver geloop voor sy mamma hom raakgeloop het nie.
Sy voer en lek en troos maar ewe geduldig. Is hulle nie te pragtig nie!!
Die jongste boetie wat die meeste soos Didi lyk is nou gekies en hy sal een van die dae 'n huis hê.
Die oudste boetie het nog nie 'n huis nie en Riza lyk nie te gretig om vir hom huis te kry nie. Intussen kry hulle sommer baie drukkies en soentjies van hulle ounooi.... en mamma Beth.

Monday, October 8, 2007

Pappas en babas, ooms, tannies, en sussies

Ons twee nuwe meisie babas is nou al 5-6 weke oud. Ek het nie foto's van klein Xenia geplaas nie,



maar hier is die klein pop by haar tannie Erika en pappa Andre


en sussies Ilke en Amica.

Xenia beteken "hopitable, friendly, kind, caring..." soos Elriza gesê het, 'n regte ou dogterjie. Ek wag nou vir foto's van die gesiggie en die ogies en die glimlag... ja, eintlik sou ek haar net 'n ou drukkie wou gee. Elma sê sy lag al vir hulle.
En hier is ons klein Alessia.... en soos haar naam sê is sy besig om almal se harte te wen.
Hier is sy saam met haar pappa
en oom Sean... en vas aan die slaap.. en met oop ogies vol verwondering. Lorraine sê sy kan nie daar wegbly nie en Niël sê sy het haartjies swart soos roet en 'n mondjie rooi soos bloed... ons eie klein Sneeuwitjie.. of Sleeping Beauty. Nes ons wil.

Hier is 'n bederf video'tjie wat ek van Lorraine gekry het. Wat sal ons sê? Alessia begin vroeg oefen om te kruip... een beentjie werk mooi saam, die ander voetjie klou vir die vale...

Geniet die klein mensies en die vreugde wat hulle bring.

Lief julle almal

Tuesday, September 11, 2007

Alessia

Kyk hoe pragtig is die dingetjie.
Net toe ek begin kla dat ek net een enkel foto ontvang het, toe kry ek nog. Dankie sus!!
Die kleingoed word regtig so gou groot.

Die nuus is dat sy hard kan protesteer as hulle haar inspuit. Dis 'n familie ding Alessia, hierdie tannie van jou is net so bang vir 'n naald.
Sy het ook 300 gram opgetel en is almal se oogappel.

Ons sien uit om meer van haar te sien te kry.

Hannes en Angie, ontspan en geniet haar en maak ook tyd vir net die drie van julle, dis nodig.

Baie liefde vir almal

Charmaine

Friday, August 17, 2007

Dinge wat gaan kom....

Ek het vandag gewonder of enige iemand al iets gekoop het sonder om 'n idee te hê wat om daarmee te maak? Wel ek het... en ek hoop ek oorleef dit om die storie te vertel, maar soos hulle sê: "Hou die spasie dop." Hannes ek wens jy was hier om te help, maar ook miskien goed want dalk sal jy vir my lag.

Maar so gepraat van dinge wat gaan kom... ons wag ook vir Hannes en Angela se kleinding en intussen het die tante ietsie gekoop om saam te stuur.

Ek sal allles van al die nuwe dinge vertel soos en wanneer hulle gebeur.

Liefde vir almal