Ek hoop dis 'n wonderlike dag vol heerlike vreugde en vrede en dat dit die hele jaar by jou sal bly. Thursday, December 20, 2007
Dis jou verjaarsdag!!
Ek hoop dis 'n wonderlike dag vol heerlike vreugde en vrede en dat dit die hele jaar by jou sal bly. Tuesday, December 18, 2007
Niël se kuns...
Tuesday, December 11, 2007
Jesus is beter as Santa Claus
Saturday, December 8, 2007
Kersfees kom
Die winkels is vol kersversierings en mens kan kersbome en kerskaartjies koop en alles. 
Die strate en geboue is pragtig versier,
maar dit is vir die land se nasionale dag op 2 Desember, nie kersfees nie...
maar dit is nogtans so feestelik.
Die kindergroep by ECC sluit af, nie omdat die kinders se jaar verby is nie, maar omdat hulle begin eksamen skryf. Elize Kruis het vir ons handwerk kom doen en as jy terug dink na lank lank lank gelede Niël, toe ek en jy ons eerste groot provinsiekamp saamgedoen het en jy handwerk gedoen het, sal jy onthou dat die tannie dit vir jou aangebied het.
Ons het die aand so geniet. Nou het ek ook 'n kerskous... nog nooit een gehad nie.
Ons berei voor vir 'n Internasionale kerssangdiens by ECC
en ja, in Suid Afrika het ons ook kerssangdiens gehad, maar hier trek Suid Afrikaners en vriende saam want ons families sit baie ver en ons gaan nie na die familie toe nie, want kersfees is nie vakansie nie. Inteendeel, alles in die land tel nou eers spoed op. Baie van ons, ek ook, sien darem met groot verwagting uit na kuiers van familie van die huis af. 
Tuesday, December 4, 2007
Ou vriende
Na vyf jaar kon ek weer heerlik saam met Neels en Jandre en kinders kuier. Wiehann het skaaptjops en varkribbetjie en wors gebraai vir ons en met mengelsaai en vrugteslaai en PAP en sous, was dit 'n heerlike SA kuier. Ons kan vrugeslaai maak hier, maar dis baie duur en dan smaak die mangos nie soos die wat van Natal of Nelspruit af kom nie. Ek koop eendag 'n piesang met 'n skil so taai mens moet dit omtrent afbytel... en toe is die piesang hard en frank... galbitter, net om uit te vind dis 'n Indiese piesang wat eintlik gebak moet word. 'n Ander dag het ek vir 'n appel uit die USA Dhs 6 betaal... een appel!! Dis so R11. Selfs groente is duur in die land. Dit hang af of mens "local" groentes koop, of groente uit Indië, of Holland, of USA of Lebanon of Suid Afrika. Soms, net soms... kry mens selfs gem sqaush. Saturday, December 1, 2007
Ons meisies kuier
Natuurlik is die kleinste ook die een wat die kuier reël en al die aandag kry en op meeste van die foto's is. Ons het mos almal ons beurt gehad van so belangrik wees of hoe. En as daar nog 'n boetie of sussie kom, dan is dit skielik verby en moeilik om te verstaan. Alessia het so effens van 'n rustelose nag gehad en was nie lus vir enige van ons nie.
Net mamma was in tel en solank sy in Angela se arms was, was sy vol glimlaggies. Dis reg poplap. Jy mag maar so voel.
Hierdie foto's bêre mens vir die familie albums. Dis so spesiaal dat ouma en susters en dogter op een foto saam is. Dankie vir elkeen van julle en vir die tyd maak vir hierdie baie belangrike saamkuiers. Mens weet nooit wanneer dit weer kan gebeur nie. En 'n addisionel lekker was regte scones!! Ek weet hoekom my klere so styf sit na die tien dae..
Thursday, November 29, 2007
Die kinders speel
en mamma Beth help met die goedkeuring
Tavid en Beth is sulke oulike ouers en kry baie liefies van ounooi Riza. Hulle gebruik ook die tydjie om mekaar so bietjie te liefkoos. Is dit nie pragtig nie. Pancho moet een van die dae na sy nuwe huis toe gaan. Ek weet... my hart wil namens Riza en die res van die gesinnetjie breek, maar dis mos maar hoe dit is. Ons bid dat hy na 'n liefdevolle huis toe gaan en sal sorg vir groot pret.

